Heklað teppi

Samstarfskona mín eignaðist barn á dögunum
og ég heklaði þetta teppi handa barninu
akkúrat passlegt í vagninn sagði hún :)

Skraut á jólapakkana

Svona fiðrildi voru á mörgum jólapökkum frá okkur
þessi jólin, ég hef alltaf jafn gaman af svona pappírsbrotum.

Þæfðir englar.

Ég prjónaði þessa engla eftir uppskrift á netinu
þeir eru svo þæfðir og í þæfingunni fór eitthvað úrskeiðis
og englarnir urðu hálf gráir.
Svo ég ákvað að lita þá með matarlit og viti menn
nú á ég þessa fallegu bleiku engla.

Aðventukrans

Það er alveg ómissandi að hafa aðventukrans
í ár steypti ég kertin sjálf og þennan fjölnota kertastjaka
keypti ég mér 2011.

Jólakort

Jóla jóla jóla
það er alltaf svo gaman að gera jólakort
úr endurunna pappírnum mínum.

Meiri kertagerð.

Eins og ég hef áður talað um heillar endurvinnsla mig
það eina sem ég keypti í þessi kerti var kveikurinn
vinir og vandamenn eru duglegir við að færa mér vax
og fyrir það er ég þakklát.

Kertagerð

Fyrsti í kertagerð fyrir þessi jól
og í fyrsta sinn sem ég steypi kerti í krukkur,
og ég er nokkuð ánægð með árangurinn.

Heklað utan um herðatré

Ég man að mamma átti svona,
sem hún hefur sennilega gert í hússtjórnarskólanum
og hún notaði þau alltaf undir spatifötin.
Ég gerði nokkur eftur uppskrift úr  Þóra heklbók
 og gaf í allskonar gjafir.

Heklað dúkkuteppi.

Mig langaði til að prófa að hekla þetta munstur
en nennti ekki að gera barnateppi svo ég gerði
bara dúkkuteppi.

Heklaðir smekkir

Og áfram held ég í heklinu
uppskrift af þessum smekkjum er ókeypis á tinna.is
og ég skildi hana alveg
JIBBÍ

Hvalapeysa

Þessi peysa heillaði mig frá fyrstu sýn
allir þessir fallega bláu litir.
Hana fékk svo fallegur herramaður í afmælisgjöf.

Ræktun

Maðurinn minn kom heim úr vinnunni einn daginn með plöntu
sem honum var gefin, við vorum ekki viss hvaða planta var í pottinum
og skemmtum okkur við að horfa á hana vaxa.
Niðurstaðan er paprika.

Endurunninn pappír í jólakortin 2012

Það er orðinn fastur liður hjá mér að endurvinna pappír í jólakortin.
Í fyrsta sinn prófaði ég að blanda saman rauðum og bláum lit
og fékk þennan fallega fjólubláa.

Ullarsokkar með kaðlaprjóni.

Systir mín bað mig um að prjóna ullarsokka á kærastann sinn
og hún valdi þessa sokka úr bókinni sokkar og fleira.
Þeir koma bara ljómandi vel út ég á pottþétt eftir að prjóna nokkra svona.

Húfa í leikskólann.

Lítilli frænku minni vantaði góða húfu í leikskólann

og ég ákvað að prjóna þessa út Prjónaperlum.

Hlý og góð og niður fyrir eyrun, reyndar var fyrsta útgáfa

of lítil svo ég gerði bara aðra mjög gaman að prjóna þetta munstur.

Móðir hennar var svo elskuleg að senda mér mynd af henni með húfuna

(vettlingana keypti ég á Jólamarkaði Barra).

Leikskóla föt

Ég þekki glænýjan leikskólamann
og ég er svo heppin að mamma hans hefur ekki gaman af að prjóna ;)
Þess vegna prjónaði ég nokkrar flíkur og færði honum
svo honum verði hýtt í útivistinni í leikskólanum í vetur.

Kortagerð

Ég hef alltaf jafn gaman af endurnýtingu

og eitt af því er kortagerð.

Allskonar bækingar og annað sem til fellur heima hjá mér

endar oft í tækifæriskorti.

Dónahúfa og eyrnaband

Róbert vinur minn varð sextugur á dögunum,
hann hafði séð mynd af dónahúfu sem ég prjónaði
handa tengdasyni mínum á netinu og óskaði sér eins
og svo langaði honum líka í eyrnaband.

Ungbarnasokkar

Og svo stækka blessuð börnin
og þá er hægt að halda áfram að prjóna á þau
þessir sokkar eru úr Sokkabókinni.

Hekluð bókamerki

Skemmtileg tækifærisgjöf handa þeim sem lána mér bækur,
gaman að skila bók með bókamerki í.
Uppskriftin er í Þóra heklbók.

Pottaleppar

Næsta æfingaheklustikki úr Þóra heklbók
voru pottaleppar, þeir fyrstu urðu heldur stórir
og svo var bara erfitt að stoppa ;)
Skemmtilegt verkefni.

Hekl

Mig hefur lengi langað til að læra að hekla
svo ég keypti mér Þóra heklbók og byrjaði bara,
leiðbeiningarnar þar eru auðskiljanlegar
fyrsta verkefnið mitt var löber.

Stórafmæli

Af og til koma svo stórafmæli
mágur minn varð 50 og kona hans 40 á dögunum.
Ég ákvað að prjóna handa honum lopapeysu úr bókinni
prjónað úr íslenskri ull
og prjóna munsturprjónaðar kertaluktir handa henni
frumraun í munsturprjóni hjá mér jibbí.
Svo bjó ég til kort og pakkaði herlegheitunum inn
ég er mjög ánægð með þetta hjá mér.

Flotti kallinn minn í peysu bróður síns ;)

Ungbarnapeysa og húfa

Alltaf fæðast blessuð börnin
vinur minn Róbert varð afi í 4 sinn á dögunum,
þessa peysu fékk sonarsonur hans Ewan Leonard Swain.

Móðir hans var svo elskuleg að senda mér mynd af Ewan í peysunni.



Þæfðir flöskupokar

Pabbi minn fékk svona flöskupoka í afmælisgjöf
þegar hann varð sjötugur, mér fannst hann mjög flottur
og fór að grafast fyrir um uppskriftina.
Prjónakona á facebook var svo elskuleg að senda
mér uppskriftina í tölvupósti.

Gallapils

Svona er ég dásamlega heppin,
þrennar gallabuxur gáfu upp öndina á heimili mínu
í sömu vikunni og mig sem hefur lengi langað í gallapils.
Svo ég hannaði,sneið og saumaði þetta pils
og er bara mjög ánægð með útkomuna.

Dóna-húfa

Þetta er afmælisgjöf handa tengdasyninum
hann var ánægður sýndist mér ;)
notar hana í veiðina í haust.
Uppskriftina fann ég á netinu
og mixaði hana fyrir Smart band.

Páskaskraut

Þá eru komnir páskar og þetta páskaskraut er eftir enskri uppskrift
sko guli vasinn, maðurinn minn gaf mér hænsnin. ;)

Fiðrildahúfa.

Og áfram held ég með prjóna-áramóta-heitið mitt
læra að prjóna eftir enskum uppskriftum.
Ég er mjög glöð með að hafa skilið þessa uppskrift
húfuna fékk svo systir mín í afmælisgjöf með sjalinu hér fyrir neðan.

Sjal

Frumraun mín í sjalaprjóni leit dagsins ljós um daginn
uppskriftin er að vestan og hundgömul
mér finnst best hvað hún er einföld.
Systir mín fékk svo sjalið í afmælisgjöf,
ég á eftir að gera mér annað svona bleikt
svo létt og mjúkt.

Sokkar úr Sisu

Systurdóttir mín varð 13 ára á dögunum
og fékk þessa sokka frá mér,
hún fór strax í þá og var í þeim alla afmælisveisluna.
Uppskriftin er í sokkaprjón bókinni.