2016 minimalisk áskorun

1.janúar 2017 ætla ég að eiga milljón inná bankabók.

Ég ætla að safna mér fyrir litlu húsi með garði.

Ég er búin að fá mér bók í bankanum mínum og inná hana 

fer 84.000 kr sjálfkrafa mánaðarlega af launareikninginum mínum.

Ég fæ um 350 þúsund útborgað á mánuði

100 þús fara í leigu

84 þús á bókina

60 þús í mat (15 þús á viku)

þá eru eftur 106 þús í annað

og já maðurinn minn borgar aðra reikninga og nei hann er ekki með mér í þessu :)

Ég hef skilgreint það sem ég ætla ekki að kaupa

föt

raftæki

húsbúnað

te

kaffihús 

út að borða

gjafaumbúðir 

kort

húsgögn

bakkelsi

tilbúinn mat

bækur 

tímarit

gos

snakk 

popp

Ég hef skilgreint það sem ég ætla að kaupa

matur ekki yfir 15 þús á viku

tölvu þegar mín gefur upp öndina

hreinlætisvörur á mig og heimilið lífrænar

læknir / lyf

bensín /viðgerðakostnaður á bíl

flugmiðar hótel og farartæki í ferðalagi

skólagjöld og námskeiðsgjöld

viðgerðakostnaður

klipping 4x á ári

tónlistaráskrift af Spottify

nudd
gjafir 2000 á mann

eitt deit á mánuði með manninum mínum (má vera kaffihús eða út að borða)

Ég bý til matarplan á sunnudögum fyrir vikuna og versla fyrir það

svo fer ég aftur í búð fyrir helgina.

TIL AÐ HALDA MÉR VIÐ EFNIÐ ÆTLA ÉG 

AÐ PÓSTA HÉR Í BYRJUN HVERS MÁNAÐAR HVERNIG HEFUR GENGIÐ.

Fata - tilraun

Á aðfangadag byrjaði ég á smá tilraun

ég ætla ekki að þvo föt aftur fyrr en ég neyðist til þess.

Tilgangur þessarar tilraunar er að finna út hvað af fötunum mínum

ég nota og hvað ég get losað mig við.

Prófa að fara í önnur föt en þessi sem ég geng í venjulega.

Í lok þessarar tilraunar verða bara föt sem ég nota í fataskápnum mínum.

Vika 1.

 Óhreinatauið mitt og föt sem ég mig langar ekki að vera í og ætla að losa mig við.

Vika 2.

Óhreinatauið mitt og föt sem mig langar aldrei að fara í og ætla að losa mig við.

Vika 3.

Þetta eru öll fötin mín.

Pokarnir þrír aftast eru á leið í Rauðakrossinn, annað ætla ég að nota.

Útiföt

1 kuldagalli

1 úlpa

1 spari-úlpa

1 vindbuxur

1 vindjakki

1 lopapeysa

1 ullasokkar

1 húfa 

1 trefill

1 kragi

1 vettlingar

Hversdagsföt

4 gallabuxur

2 leggings

2 gollur

4 rúllukragapeysur

4 peysur

3 kjólar

3 T-bolir

3 hlírabolir

15 sokkapör

3 brjóstahaldarar

8 nærbrækur

Spariföt

3 kjólar

4 sokkabuxur 

2 buxur

1 skyrta

1 golla

1 sjal

Hlaupaföt

1 buxur

1 bolur með brjóstahaldara

1 bolur

1 toppur

1 jakki 

1 vindjakki

Skór

1 gönguskór

1 hlaupaskór

2 strigaskór

2 spariskór

1 uppháir skór

1 sumarskór

Annað

1 janus föðurland

1 janus T-bolur

1 sundbolur

2 náttbuxur 

3 náttbolir 

1 kósípeysa

97 flíkur alls.

Ég hef ákveðið að kaupa mér ekki föt þetta árið 

heldur ganga út úr því sem ég á.

Þegar mig vantar svo föt í tímans rás

ætla ég að kaupa föt sem eru vönduð 

og unnin á viðeigandi hátt 

og fólki er borgað viðeigandi laun fyrir vinnu sína, 

og vinnuaðstæður þess góðar.

En meira um það þegar þar að kemur.

Tilraun.

Ég á gamalt eldhúsborð sem hægt er að stækka

það er illa farið og næsta sumar ætla ég að pússa það upp.

Ég rakst á þessa hugmynd á netinu og ákvað að prófa.

Þetta er gamla borðið mitt.

Ég þvoði það vel og bustaði

og þurrkaði svo.

Tók síðan mæjónes :)

Og makaði á borðið.

Þvoði það svo af.

Talað var um að þetta myndi fjarlægja

minniháttar rispur.

En gamla borði mitt er of rispað svo það 

bíður sumarsins.

Heimatilbúinn svitalyktareyðir

Þessi svitalyktareyðir er æði

ég fann hann á youtube og ákvað að prófa.

Ég bar hann á mig og fór í peysu sem ég svitna alltaf í 

og svo fór ég í próf.

Og vitið menn engin svitalykt.

Inninhald: kókosolía, maizenamjöl og matarsódi.

Allt sett í skál og hitað í vatnsbaði.

Og fyrst ég var að þessu gerði ég líka tannkrem.

Svitalyktareyðir uppskrift.

2 msk matarsódi

2 msk maizenamjöl

3 msk kókosolía

allt hrært saman 

og brætt í vatnsbaði.

Uppþvottalögur - sparnaðarráð

Einu sinni keypti ég alltaf Neutral uppþvottalög

en núna hef ég skipt yfir í Ecover umhverfisvæna uppþvottalöginn.

Ég blanda hann til helminga með vatni

og það gerir alveg sama gagn en er 50 prósent sparnaður.

Kertin mín

Ég elska að búa til kerti.

Vinir og vandamenn gefa mér kertaafgagna

sem ég bræði og bý til ný kerti úr.

Ég kaupi kertakveikinn í Föndru og 

glösin í Rauðakross búðinni.

Heimatilbúið sjampó.

Mig langar að búa til mínar snyrtivörur sem mest sjálf.

Ég hef búið til mitt tannkrem sjálf í nokkra mánuði

og svo prófaði ég að búa til þetta sjampó.

1 dl Dr Bronner sápa

1dl te

1dl kókosmjólk 

Blandað saman og sett á brúsa.

Ég notaði þetta sjampó í 4 mánuði

og hárið á mér var alltaf feitt

sennilega af kókosmjólkinni.

Núna nota ég bara Dr Bronner sápuna og bæti í hana ilmolíum td lavender

og hárið á mér er rosa fínt og ég þvæ það bara 2x í viku.

Gardínur verða að jólapokum.

Ég ólst upp við þessar gardínur

mamma setti þær alltaf upp í eldhúsinu á aðventunni.

Hún gaf mér þær svo þegar ég fór að búa og ég hef eins og mamma

sett þær upp í eldhúsinu hjá mér á aðventunni.

Nú eru börnin vaxin úr grasi og gardínurnar hafa þjónað sínum tilgangi

en mig langar samt ennþá að hafa þær í lífi mínu.

Svo ég ákvað að búa til margnota jólapoka undir jólagjafir úr þeim.

Moli hjálpar til eftir bestu getu.

Jólapakkarnir tilbúnir í fínu pokunum.

Endurunnin jólakort.

Ég hef mjög gaman af því að föndra jólakort og merkimiða.

Ég nota jólakortin frá því í fyrra og myndir úr bæklingum og 

notaðan jólapappír í bland við annað sem ég 

finn til að skreyta þau með

Þarna eru nokkur af jólakortunum í ár.

.

Aðventukrans.

Aðventukransinn minn er minimaliskur.

Kertin steypti ég sjálf úr kertaafgöngum 

en keypti kveikinn í föndru og sandinn í Rauðakross búðinni.

Stjakinn sjálfur er amk 5 ára gamall og nota ég hann árlega

sem aðventukrans en í annan tíma sem venjulegan kertastjaka.

Til gamans þá kostaði skreytingin í ár 250 kr).

Kertaluktir úr krukkum.

Ég hef gaman af því að finna not fyrir gamla hluti

systir mín kenndi mér þessa aðferð og mér finnst þetta koma vel út.

Lokið af krukkunni, gamall svampur og föndurefni frosting.

Límmiðar eru settir á krukkuna og frosting dumpað á hana alla.

Þegar allt er orðið þurrt eru límmiðarnir kroppaðir varlega af.

Mér finnst þetta mjög fallegar kertaluktir 

og á eftir að prófa aðrar aðferðir.

Umslög undir jólakortin

Ég viðurkenni að ég er spennt fyrir jólaföndurblöðum

en geri svo lítið með þau annað en dreyma og strjúka blaðsíðurnar

en í ár datt mér þetta í hug.

Ég bjó til umslög fyrir jólakortin út blaðinu

og ég verð að segja að fallegri og jólalegri umslög

hef ég ekki séð lengi,

Jól í skókassa.

Í nokkur ár hef ég tekið þátt í þessu verkefni

og markar það upphafið af jólaundirbúningi hjá mér.

Kassarnir fara til barna í Úkraínu og ég gleðst í hjarta mínu

vegna þess að 3 drengir 14-18 ára fá jólagjöf í ár.

Skil á skókössum í dag á Egilsstöðum í safnaðarheimilinu kl 11 - 14.

Karteflugóðgæti.

Ég hef undanfarið leitað leiða til að minnka matarkostnaðinn hjá fjölskyldunni.

Eitt af því sem mér hefur dottið í hug er að elda og frysta til að eiga

þegar ég nenni ekki eða hef ekki tíma til að elda,

þessar karteflur eru mitt drauma meðlæti passa með næstum hverju sem er.

4 bökunarkarteflur skornar í tvennt og penslaðar með olíu

bakaðar við 200 gráður í 50 mín.

Takið svo gumsið innan úr þeim og setjið í skál.

blandið í það sem þið viljið 

mér finnst gott að setja,ost,og vorlauk.

og setjið aftur í karteflurnar og beikon ofaná.

Og stingið oftur inn í ofnin í ca 10 mín .

Rosa gott en fjöldkyldan var sammála um að beta væri að steikja beikonið

og brytja það samanvið, svo ég hef gert það síðan.

Borða helming og skella hinu í frost.

Kertagerð - líma mynd á kerti.

Ég hef búið til kerti úr afgangs kertastubbum lengi.

Ég kaupi kveikinn í föndru og kertaglös í rauðakrossbúðinni.

Margir ættingjar og vinir eru farnir að gefa mér sína kertaafganga

og kann ég því vel.

Ég ákvað að prófa að líma myndir á kertin mín 

og ég er svona ljómandi ánægð með árangurinn.

Eldtefjandi efni, kerti, blað með nótum og pensill.

Eldlefjandi efnið borið á kertið og blaðið.

Vola þetta fína kerti.

Kertið mitt byrjað að brenna niður.

Ég mun gera fleiri svona kerti.

Sparnaðarráð - Gulrótasúpa.

Eitt besta sparnaðarráð sem ég hef fengið er að 

hafa eina máltíð á viku sem í er hvorki kjöt né fiskur.

Þessi gulrótasúpa er vinsæl heima hjá mér.

350 gr gulrætur

1 laukur 

8 dl vatn

grænmetisteningur 

lárviðarlauf

salt 

pipar

sjóða í 30 mín

 mauka svo í blandara 

borið fram með rjómalögg,

Lopavettlingar

Nú er farið að kólna og mál til komið að prjóna sér hlýja vettlinga

þessir eru úr bókinni Vettlingar og fleira.

Svartir í vinnuna mína og hvítir utan vinnu,

ég er bara mjög ánægð með útkomuna.

Handklæði.

Það er alveg ótrúlegt hvað 3ja manna fjölskylda fer með mörg handklæði á viku,

ég var bara alltaf að þvo handklæði.

Að því gefnu að maður sé sæmilega hreinn þegar maður kemur úr baði

eru haldklæðin varla óhrein eftir eitt bað, eða hvað.

Þá datt mér þetta snjallræði í hug.

Eitt stórt og eitt lítið handklæði á mann

og öllu skellt í þvottavélina á föstudögum.

Þvílíkur munur ein vél af haldklæðum á viku.

Og já ég hef eitt handklæði sem liggur á baðbrúninni 

og fólk setur á gólfið áður en það fer í bað.

Recycle og DIE

Ég er mikið fyrir endurvinnslu,

 en það er mín skoðun að endurvinnsla sé ekki nóg fyrir jörðina, 

Við verðum að draga úr neyslunni, kaupa minna 

og velja betur hvað við kaupum.

Eiitt markmið mitt er að draga úr plastnotkun,

sem er frekar erfitt því næstum allt er pakkað í plast.

Ég átti afmæli á dögunum og samstarfskona mín gaf mér þennan poka,

ég elska hann og ætla að nota hann undir grænmeti og ávexti þegar ég fer í búðina.

Húfur,vettlingar og sokkar.

Ég hef mjög gaman af því að prjóna.

Ég prjónaði þessar húfur (uppskrift frá tinna.is)

vettlinga og sokka (uppskrift ekki til bara uppúr mér)

handa systkinum sem voru glöð með gjöfina.

Ferðataska með persónulegum muni í.

Sonur minn keypti þessa ferðatösku í rauðakrossbúðinni á Egilsstöðum,

hann hefur notað hana talsvert og í sumar lánaði hann móður sinni hana

til að fara með til parísar.

Þar sem móðirin hafði áhyggjur af yfirvikt vegna væntanlegra kaupa í París

skoðaði hún í alla vasa töskunnar og fann þar persónulegan mun 

sem við teljum að fyrri eigandi eigi og vilju gjarnan fá aftur.

Þrátt fyrir að hafa auglýst á facebook hefur ekki tekist að finna eigandann.

Veist þú hver hann er.

Góðar fréttir í lok október fanst eigandinn 

og hann fékk peningabudduna sína afhenda 

þökk sé 888 deilingum á facebook.

Kjóll verður pils.

Þessi mynd er 3ja ára gömul þarna er ég í brúna kjólnum mínum.

Svo eftir mikla notkun kom á hann gat, beint framan á vömbinni ;)

Ég klippti kjólinn og faldaði pilsið og setti teygju í það.

Og vola komið pils.

Systrakassinn.

Ég er svo rík að eiga 3 systur

vð höfum verið með skemmtilegt verkefni undanfarin ár

Systrakassann.

Við sendum kassa á milli okkar með hlutum sem við 

viljum ekki lengur eiga en tímum ekki að henda.

Kassinn fer ákveðinn hring 

og það má taka eins mikið úr honum og maður vill

og setja eins mikið í hann og pláss leyfir.

Gaman að fá svona pakka reglulega.

Ef enginn hefur viljað eihvern hlut frá mér

tek ég hann úr kassanum þegar hann kemur aftur til mín.

Þetta var í systrakassanum þegar hann kom til mín síðast

fullt af hlutum sem ég gat notað og ég

gat líka sett fullt af hlutum í hann

sem ég var hætt að nota.

Morgungrautur

Ég keypti mér þessa bók í gær

og finnst hún frábær.

Ég borða kjöt en hef daðrað við heilsusamlegt mataræði lengi.

Þessi morgungrautur er það fyrsta sem ég geri úr bókinni

og hann bragðast dásamlega.

Hafragrautur með chiafræjum og hinberjasósu

eins gott að ég bjó til tvöfalda uppskrift 

til að hafa líka á morgun :)