Sjóður

Svo mér leiðist að vaska upp

og leiðist líka að hafa óuppvaskað

svo ég ákvað að borga mér 500 kr 

fyrir hvert uppvask,

Hvað heldurðu að sé mikill aur í krukkunni 

Ef þú giskaðir á rúm 130 þúsund hafðir þú rétt fyrir þér

og ég en ennþá að safna.

Ég ætla að skella mér til Parísar í október

með systrum mínum.

2015 in 2015

Í byrjun árs 2015 ákvað ég að taka þátt í þessu átaki

að losa mig við 2015 hluti á árinu

og það gengur vel 

ég er hálfnuð

og líf mitt er léttara og minna að taka til

og þeir hlutir sem ég á núna eru hlutir sem ég 

þarf á að halda og þeir taka ekki frá mér orku.

Og ég á eftir að fara í geymsluna :)

Innpökkun

Systir mín átti afmæli á dögunum 

og mig langaði að hafa umbúðir 

gjafarinnar frumlegar.

Ég átti þetta landabréf af Evrópu

sem varð fyrirtaks umbúðapappír

 Og ég notaði bara 1/4 af landakortinu svo fleiri gjafir

veða svona á næstunni,

Ég er ánægð með útkomuna með rauðum borða og 

heimatilbúnu korti.

Lopapeysa

Flotti sonur minn bað um lopapeysu 

hann valdi litina og munstrið sjálfur 

og er svona ljómandi ánægður með 

útkomuna.

Afmælisgjafir

Þessar litlu glerflöskur eru undan rauðrófusafa

sem ég nota í morgundrykkina mína,

Mér finnast þessar litlu flöskur svo fallegar

að ég vildi gera eitthvað með þær.

Tveir ungir menn í minni stórfjölskyldu 

áttu afmæli á dögunum og fengu sitt hvora flöskuna.

Fyrri flaskan er full af litlum páskaeggjum en 

sú seinni er fyllt af skittles.

Minimalismi í mars

Ég ákvað að taka aftur þátt í minimaliska leiknum í mars

losa mig við 1 dót 1 mars, 2 annan mars osfrv

Myndirnar hafa eitthvað ruglast hjá mer 

en aðalatriði er að ég sakna ekki eins einasta hlutar

og mér er létt.