Jólapakkar pakkað inn í snakkpoka.

Ég sá þessa hugmynd á netinu fyrir nokkrum árum

og leist vel á hana, Þegar börnin mín fá sér snakk

tek ég pokana og sný þeim við og þvæ með uppþvottalegi.

Ég hef notað þessa poka til að pakka inn afmælisgjöfum

og nú jólagjöfum.

Þetta eru snakkpokarnir tilbúinir til notkunar

bæði litlir og stórir.

Tvær gjafir í stórum snakkpokum.

Fjórar gjafir í litlum snakkpokum.

Aðventukrans.

Aðventukransinn minn er alltaf svipaður.

Ég keypti þennan bakka á sínum tíma í Blómaval

hann var frekar dýr en hefur margborgað sig.

Kertin geri ég sjálf og sandinn fékk ég í Rauðakrossbúðinni 

og kostaði hann 300 kr.

Ég hef sett ýmislegt í bakkann td mandarínur,greni,stóra köngla

ofl sem mér hefur dottið í hug.

Jólapokar.

Stundum gefur einhver okkur gjöf

í svona fallegum jólapoka.

Þessa fengum við í fyrra.

Og þarna eru þessir sömu pokar

tilbúnir fyrir jólin 2016.

Endurnýttur jólapappír.

Jólapappírinn á aðfangadagskvöld

er vel hægt að nýta aftur.

Misjafnt er þó hversu heillegur hann er

eftir að búið er að rífa upp gjafirnar.

Ég mælist til þess við heimilismeðlimi 

að fara vel með pappírinn en hvað þeir 

gera ráða þeir auðvitað sjálfir.

Jólapappírinn frá því í fyrra

tilbúinn til notkunar.

Ég hef heyrt að sumir straui pappírinn

til að fá hann alveg sléttann og finnst mér það góð hugmynd

en þar sem ég á ekki straujárn og ætla ekki að eignast

þannig grip geri ég það ekki.

Fyrirsætan Moli komin að fylgjast með.

Pakkað inn í jólapappírinn frá því í fyrra.

Skraut á jólapakkana.

Mér finnst gaman að hafa skraut á jólapökkunum.

Ég geymi borðana og skrautið af pökkunum sem 

við fengum í fyrra og nota það aftur. Einnig nota 

ég gamalt jólaskraut sem pakkaskraut og stundum 

kaupi ég sleikipinna og skreyti með pakka til barna.

Merkispjöld á jólapakkana.

Merkispjöld eru nauðsynleg á jólapakkana.

Ég hef í gegnum árin búið til merkispjöld

úr allskonar afskurði og afgöngum.

Ég hugsa að ég eigi merkispjöld fyrir amk 

næstu 5 ár en held samt áfram að búa þau til

frekar en að henda nokkru og svo er það
líka svo rosalega gaman.

Merkimiðar úr auglýsingum,jólapappír, afgangs límmiðum, afskurði,

listaverkum eftir börnin og mig, endurnýting á 

notuðum merkispjöldum og ofl ofl

möguleikarnir eru endalausir.

Svo af því að ég á ómilimaniskan mann

og vil styrkja félagasamtök

eigum við líka hefðbundin merkispjöld.

Ýmsar tegundir jólakorta.

Jólakort unnin úr auglýsingabæklingum

og gamalli biblíusögubók.

Jólakort unnin úr jólapappír, servettum og dagatölum.

Jólakort unnin út tvöföldu límbandi og garnafgöngum.

Jólakort unnin út jólakortunum frá því í fyrra.

Auðveld og ódýr jólakort.

Í Rauða kross búðinni kosta blöð og bækur ekki neitt

þar fékk ég þetta blað sem kennir hvernig á að búa til fljótleg jólkort.

Ég klippti út myndir af fullbúnum kortum og límdi á auð kort

 og það kom bara svona ljómandi vel út.

Fljótlegt já en sennilega ekki það sem seljendur blaðsins höfðu í huga.

Kortin tilbúin.

Stjarna úr njóla.

Ég hef stundum horft á njólann á haustin og hugsað

mikið er þetta flottur efniviður en svo ekkert meir.

Þar til um daginn að ég fór vopnuð klippum 

og safnaði mér í kassa þessum fínu njólastilkum.

Og ákvað að gera jólastjörnu.

Njólinn, blómavír og jólasería.

Moli kisi kominn til að taka verkið út:)

Stjarnan tilbúin og bara eftir að setja ljósin á.

Vola ekki mjög góð mynd og serian hefði mátt vera

með 20 ljósum í stað 10.

Kertagerð.

Jólaundirbúningurinn byrjar með Jólum í skókassa 

og næsta skref er kertagerð.

Öll kertin mín eru endurunnin úr gömlum kertaafgöngum

frá mér og vinum mínum.

Kertaglösin eru líka endurunnin en sum keypt

í Rauða kross búðinni.

Ég kaupi líka kertakveik með stálvír í frá Föndru.

Ég er svo heppin að vinkona mín gaf mér 3 glös af 

kertailmi svo allt ilmar yndislega í ár.

Þessi kertagerð kostaði mig uþb 2000 kr.

Þessi kerti lauma sér í jólapakkana mína 

og aðrar tækifærisgjafir á nýju ári.

Jól í skókassa.

Jól í skókassa er verkefni sem gleður mig áhverju ári.

Í ár gerði ég 4 kassa fyrir 16-18 ára drengi

og ég gleðst yfir því að 4 drengir i Úkraínu fá jólapakka

vegna þess að ég tók tíma og fyrirhöfn til búa þessa kassa til.

Þarna er Moli að aðstoða mig við að pakka inn skókössunum.

Því miður gleymdi ég að taka aðrar myndir.